Musikalikot: Extended Play

Maraming P-Pop groups ang sumikat nitong mga nakaraang taon, pero paano ba nagsimula ang phenomenon na ito? K-Pop with a “P” nga lang ba ang P-Pop? Ipapaliwanag ni Hallyu researcher Erik Capistrano at content producer Kath Ramirez ang naging journey ng P-Pop at kung bakit ito ay Pinoy na Pinoy.

Pangako Sa ’Yo. Maging Sino Ka Man. On the Wings of Love. Ilan lang ito sa mga dramang minahal ng mga Pinoy—hindi lang dahil sa kwento kung hindi pati sa theme songs nila. Ipapakita sa atin ni Jonathan Manalo, ang Creative Director ng ABS-CBN Music, ang sikreto sa likod ng pagpili ng mga title ng paborito nating mga palabas.

Sa singing contest man o sa karaoke, hindi papatalo ang mga Pinoy sa biritan. Pero bakit nga ba tayo nahilig dito at anong sinasabi nito tungkol sa kultura natin? Kasama ni UP College of Music Dean Verne de la Peña at singer-songwriter Matty Juniosa, hukayin natin ang sagot sa kasaysayan ng birit.